Գեղեցկությունն ամենուր

Հոկտեմբերի 17-19-ին Երևան Էքսպո կենտրոնում տեղի ունեցավ «Թեթև արդյունաբերության միջազգային համաժողով, ցուցահանդես, նորաձևության օրեր» («Light Industry International Trade Show: Congress, Exhibition, Fashion Days») խորագրով միջոցառում, որը նպատակաուղղված էր խթանելու Հայաստանում թեթև արդյունաբերության ոլորտի զարգացումը, նախանշելու տարածաշրջանային համագործակցության հեռանկարները, բացահայտելու նոր շուկաներ մուտք գործելու առկա հնարավորությունները, ինչպես նաև ձևավորելու գործընկերային հարաբերություններ ու նպաստելու փորձի փոխանակմանը: Միջոցառմանը մասնակցեցին Հայաստանից, Ռուսաստանի Դաշնությունից, Վրաստանից, Բելառուսից, Հնդկաստանից, Իրանից, Եվրոպայից (Ֆրանսիա, Գերմանիա, Բուլղարիա) թեթև արդյունաբերության ոլորտում ներգրավված արտադրողներ, գնորդներ, դիզայներներ և այլ շահագրգիռ կազմակերպությունների ներկայացուցիչներ: