Հայկոն՝ «Սուրբ Վալենտին»-ի տոնի և Անահիտ Սիմոնյանի պատրաստած անակնկալների մասին

Փետրվարի 11-ը՝ Սուրբ Սարգսի տոնն է, փետրվարի 14-ը՝ սիրահարների միջազգային տոնը, Սուրբ Վալենտինի օրը: Բոլոր սիրահար սրտերի ամենասպասված տոները: Ոմանք սպասում են դրան, որ սեր խոստովանեն, ոմանք՝ առաջարկություն, ոմանց համար էլ՝ երկար սպասված հարսանիքի: Ամեն մեկը յուրովի է փորձում անցկացնել այն:
Loveyou.am զրուցեց այս թեմայով հայտնի երգիչ, սիրող ամուսին ու նուրբ հոգի տեր մարդ Հայկո Հակոբյանի հետ:

- Հիշո՞ւմ եք Ձեր առաջին «վալենտինը»

Օ՜, դժվար մտաբերեմ:

- Տոնո՞ւմ եք:

Այո՛, մենք սիրում ենք նշել այդ տոնը. դրական լիցքերով ու լավ օր է: Ամբողջ աշխարհն է այն նշում: Բայց ես, որպես իսկական հայրենասեր, հակված եմ տոնել նաև Սուրբ Սարգսի օրը, որովհետև այն մեր եկեղեցական տոնակատարությունն է: Ես, ընդհանրապես, կողմ եմ մեր ազգայինի: Թեև, Սուրբ Վալենտինի օրվա մեջ էլ ոչ մի վատ բան չեմ տեսնում: Վերջ ի վերջո, բոլոր սիրահարների տոնն է, ինչո՞ւ գեղեցիկ չտոնել:

- Ի՞նչ խորհուրդ կտաք սիրահարներին այդ օրվա կապակցությամբ:

Եթե մարդիկ սիրում են միմյանց, ապա՝ օրացուցային տոները չպետք է մեծ նշանակություն ունենան: Նկատի ունեմ, պարտադիր չէ սպասել այդ օրվա, որպեսզի հիշեն ու նշեն: Սիրող զույգերը պետք տոնեն սիրո տոնը ամեն օր: Իսկ այդ օրը՝ առիթ է, որպեսզի զույգերը յուրահատուկ ձևով փառաբանեն իրենց սերը: Օրինակ, իմ դեպքում Անահիտը անընդհատ հետաքրքիր անանկալներ է մատուցում: Համարում եմ, որ անակնկալները այդքան էլ կարևոր չեն: Թող, որ սիրահարներ ամեն օր անակնկալներ մատուցեն, օրն էլ անմոռանալի կանցնի:

- Ի՞նչ կմաղթեք սիրահարներին:

Մաղթում եմ, որ գնահատեն ու փայփայեն իրար ու օրերն ապրեն արժանապատիվ, որովհետև կյանքը անկանխատեսելի է: Թող որ ամեն օրը ապրեն իբրև վերջինը: Ես համոզված եմ, որ դա նրանց ավելի հարազատ կդարձնի: Կարծում եմ նաև, որ նրանք պետք է սիրով շրջապատեն միմյանց: Այդ զգացմունքը և՛ զարդարում է, և՛ մարդկանց բարի է դարձնում, դրդում նոր սխրանքների: